لوحة شعرية تميزت بروعة التصوير وقوة التعبير رسمها شعرا وجسدها مشاعرا وطوع مفرداتها بتمكن وتميز الزميل الشاعر القدير سعد بن زمانان – معد ومقدم برنامج ديوانية الشعراء بتلفزيون الكويت- وأهداها مشكورا إلى أعضاء (نخبة الشموخ :
تدري إليامن غبت أنا يضيق صدري
كني وحيدٍ ومتعكر مزاجي
هل كنت تدري أو ماكنت تدري
إنك سبب جرحي وعندك علاجي
أهرّج النفس العليلة ومادري
عن الذي من بين الأضلاع لاجي
حظه يعلّي فيه أو إمتحدري
ولاّ يصيب القلب شريان تاجي
أبني أمل وأخاف لايضيع هدري
ويحل حزني في محل إبتهاجي
وجدي كما اللي إحوّارها مات بدري
ليل ونهار وهي تخلج إخلاجي
هذا الهواء مابين فرحٍ وكدري
أحدٍ شرابه حلو وأحدٍ هماجي
صابر وراضي وماقسم لي وقدري
ويالله عسى من عقب ضيق إنفراجي
سعد بن زمانان
