لوحة شعرية تميزت بروعة التصوير وقوة التعبير رسمها شعرا وجسدها مشاعرا وطوع مفرداتها بتمكن وتميز الزميل الشاعر القدير سعد بن زمانان – معد ومقدم برنامج ديوانية الشعراء بتلفزيون الكويت- وأهداها مشكورا إلى أعضاء (نخبة الشموخ :
سمعت صوتٍ من بعيدٍ ينادي
وقفت أميّز ذلك الصوت من وين
وشعرت دقاتٍ تزيد بفؤادي
ودّه يطير ولاخلق له جناحين
أثره عرف نبرات صوت المنادي
حبيبه اللي جارحه عدة سنين
زاد إخفقانه عقب ما كان هادي
وأنا من أسبابه تحطمت في حين
عاود علي الهم زوّد نكادي
ياليت ماشفته هاك اليوم ياحسين
تواردت هجوس قلبي إجدادي
الناس مرتاحه وأنا خاطري شين
ياجارحي يامعذبي يامرادي
ياغايتي ياجامع الملح والزين
ياسلوتي يامهجتي ياودادي
ياساكني يافاتني يامنى العين
يانور بدرٍ في دجا الليل بادي
يلفت نظر كل البشر وقت مايبين
ماعاد يهناني شرابي وزادي
مذاقهن مر الطعم كل الأثنين
أنا أتألم وأنت كل شي عادي
ماذقت لوعات الهواء خاطرك زين
لوّه يجيلك هاجسي بإعتيادي
إن كان تشعر في عذاب المحبين
بُعد وألم يحرمك حلو الرقادي
وتعيش لوعات ومعاناة جرحين
