|
مهما قال الشعراء في أشعارهم، فإن صاحب السمو حفظه الله ورعاه يستحق منا الكثير والكثير. ومن هذا المنطلق جاء الشاعر مبارك الحجيلان بهذه القصيدة الاكثر من رائعة:
من يرسم البسمه على الشعب مضمون تقدير شعبـه فـي محيـط اهتمامـه ومن عاش هم النـاس لابـد بيكـون طيب وطيبـه وارثـه مـن عمامـه ومن مدته تبعـد هواجيـس مديـون معلـوم بعروقـه تسيـر الشهـامـه ومن يهدي الفرحه ومن فك مسجـون أشهـد شهـاده يستحـق الزعـامـه شيخ(ن) يمينه كنهـا ديمـة مـزون شيخ(ن) ليا من قال يصـدق كلامـه وكاد يستاهـل مـن الشعـر مليـون مقـام سامـي نفتخـر فـي مقامـه يا طير مره وأصدح بصوتـك لحـون ومن فوق قصره رفرفي يـا حمامـه هـذا سمـو الخيـر لا دارت ظنـون شيـخ الكـرم والمرجلـه والكرامـه لا قلت أبو ناصـر تفاخـرت مفتـون في شعبـه اللـي مخلصيـن بغرامـه صباح الأحمد يا ذرانـا مـن شجـون يا عزنا فـي وقـت يرمـي سهامـه يا سيـدي تسلـم يمينـك وممنـون هديّتك سيـل(ن) حـدر مـن غمامـه تعطي وغيرك ناس يا كثـر يعطـون والفرق واضـح بالكـرم واقتسامـه يا سيدي يا رمـز الأمجـاد وشلـون قـدرت خطـف قلوبنـا بابتسـامـه الطيب دايم مع هـل الطيـب مقـرون وما كل قامـه لا نـوت قيـل قامـه منهو.. يهونها وهـي بأمـره تهـون غير أنت..يا عشق الملا يـا مرامـه منهو.. يخلي الطفل في قربـه يمـون غير أنت.. ماخذ بالتواضـع علامـه منهو.. وقف في وجه ناس(ن) يميلون غير أنت.. يا درع الوطن يا حسامـه منهو.. مسح كفه على راس مغبـون غير أنت.. يا مجد الوفا يـا سنامـه منهو.. أمر يحفظ للأجيـال مخـزون غير أنت.. من خوف الزمن وأحتدامه منهو.. هوته أرواح وعشقته عيـون منهـو صنـع سياستـه بأستقـامـه منهو.. يحافظ للمواصيـل ويصـون ويسامر الشيبـان فـي لعـب دامـه منهو.. تعجز اليوم عن وصفه فنـون منهو يـزور النـاس حـزة صيامـه منهو.. ومنهو غيرك إنسان بالكـون تزيـد وقفـاتـه ويكـبـر هيـامـه غير أنت.. وإلا عقبك الطيب مركـون وعندك يا بو ناصر يكـون إنسجامـه محبتك يا شيـخ بالحفـظ والصـون بالقلب من عمـر الرضيـع وفطامـه يالله عسـاك بخيـر وأيامـك تكـون بأجمل فـرح وبكـل خطـوه سلامـه | مبارك الحجيلان | |
