ليال الحب راحت بي و اثاري سرقت سنيني
وعيت و شابت عيوني من أحلامً غفيناها
عيون الشوق تاهت بي و انا أفتش عناويني
أفتش عن سفر وجه السنين و عن حلاياها
تغيب الشمس و اسوار المدينة مظلمه فيني
يضيق الكون في عين الحنين وفي حناياها
خلت روح المدينة من فرحها ونبض غاليني
و ليل من العذل عتم عيوني وشتت ضياها
و غياهب ذكريات الامس في ليلي تناديني
اجاوبها بـ عبرات ن عفيفة صادق ن ماها
تقول دموعها وين السنين الخاليه ويني ؟
انا غايب و لا ادري وين دنياكم و محياها
معي جرحي مع نزفه و دم ن سال سكيني
وغراب ن ينبش قبور الهوى ياكيف موتاها
انا في رحلة الاموات و اكفاني محبييني
و مشاعر قلبي الهايم بـ خيباته دفناها
فمان الله يا روحي و لا ظني تلاقيني
وعدنا في بستانين الغرام الي هجرناها
انا وياك واشواقي و ملائكتي وشياطيني
و دموعي في ليال الهجر لابد اتقاضاها
و اذا طال الوعد و الوقت عيا لا يداويني
ابي منك الوعد تبقين بـ أحلامً غفيناها
