مرثيتي في شريكة حياتي ورفيقة دربي (ام محمد) :
يالله يالمعبود يامفرّج الكرب
ياواحدٍ كل الملا تشتكي له
تغفر لأم الخير وتوسّع الدرب
درب النعيم وكل شخص ٍيجي له
وتعيضها الجنه مع الرسل يارب
وتجمعني في الفردوس ويا الحليله
يبكيها اللي ساكن الشرق والغرب
وكل من عرف اخلاق نور الفضيله
حزني عليها يضرب بخافقي ضرب
أسألك يارحمن همّي تزيله
هذي هي الدنيا مع السلم والحرب
لابد للمخلوق يلقى رحيله
